FIFA Ranking: Super Falcons ta koma matsayi na 46

Super Falcons ta Najeriya ta tashi daga matsayi  na 39 zuwa na 46 a jerin sunayen kungiyoyin kwallon kafa ta mata na FIFA/Coca-Cola.

An buga sabon matsayin ne a shafin tiwita na Gasar cin kofin duniya na FIFA da aka tabbatar.

Duk da faduwar darajarsu, Falcons na ci gaba da zama na daya a Afirka.

Faduwar kungiyar ba za ta rasa nasaba da rashin nasarar da suka yi a gasar cin kofin Afrika ta mata ta 2022 (WAFCON) ba inda ta kare a mataki na hudu.

Sabuwar zakaran WAFCON din,  Banyana Banyana ta kasar Afirka ta Kudu ta tashi daga matsayi na 58 zuwa na 54 yanzu kuma ita ce ta biyu a nahiyar ta Africa.

Mai masaukin baki da na biyu a gasar WAFCON ta karshe Morocco ta haura zuwa mataki na 76 yayin da Zambia ta samu lambar tagulla a yanzu ta zama ta 80.

Sabbin zakarun Turai Uku Lionesses na Ingila sun haura matsayi hudu inda ta koma  lamba ta hudu a duniya.

Jamus wadda ta sha kashi a hannun Ingila a wasan karshe na gasar cin kofin nahiyar Turai, ta haura maki uku zuwa matsayi na biyu.

Zakarun duniya Amurka ta ci gaba da zama ta daya.